Motivation

Message motivant !!! 

فقط منين تبدا تحس براسك عييتي و تبدا تفقد الأمل في القراية ، تفكر غير ديك 13 سنة و لا 14 ديال تمارة و النواض بكري مع 8 و فشتا و البرد و الصهد و فرمضان .. تفكر شحال تعدبتي باش تنجح فشي مواد معقدين و صعاب .. تفكر شحال خسروا عليك والديك ديال الفلوس غير فالقراية راه كون تجمعهم تشري بيهم شقة فالضحى و يشيط الخير ..

من طبيعة الحال حتا القراية عندها حلاوتها .. تعلمنا بزاف دلحوايج بصح .. و لكن الهدف الكبير لي صبرنا عليه طيلة سنوات مزال متحققش .. بما أننا وصلنا لمرحلة متقدمة إلا و كاين واحد الهدف .. متضيعش ديك السنوات الطويلة غير حيت عييتي و جاك الملل ! راه كاملين شي مرات كايجينا الملل و كيطلعنا هادشي فراس 

و لكن ميمكنش لينا نتراجعوا فهاد المرحلة .. عطي كل ما فجهدك و كون متأكد أنك غادي توصل إن شاء الله .
 Par Ayoub Akirech